fbpx

【SEO教學!2021年 5 個必須要注意的SEO秘訣】

SEO教學2021

【2021年SEO 5 大注意事項】

Hello 各位大家好,我今日就想同大家分享下一個topic,就係2021年做SEO嘅五個注意嘅事項。我而家就想同大家分享下,我知道大家都好想去做一啲搜尋器排名,即係SEO啦。其實好多人都會話不如我揾公司做,但係事實上 其實我哋自學都ok,我喺呢段片就同大家分享下五個關鍵要點。

1. Backlinks

第一點就係好多人都會好懷疑嘅,究竟我哋需唔需要做Backlinks呢?同埋Backlinks需要做幾多呢?其實Backlinks姐係反向連結,簡單啲嚟講就話即係人哋個網站,有條link指向你個網站度,基本上嚟講越多係越好嘅。但係呢我哋除咗多之外,我哋仲要注意質量問題,所以質量就係話,儘量喺Domain Authority高嘅網站,有條link俾你,同時間link你嘅連結個文章。其實應該係要同你自己本身公司嘅內容同行業相關,如果你條link係多啲,同時間來源至一個DA,即係Domain Authority又高,同時間又相關嘅話,Google就會認為你嘅網站係有好多人去support。你個網站就會容易去提升,呢個就係Backlinks嘅原理。

其實如果你話做Backlinks嚟講,其實你有兩個方法做:第一個方法你就可以自己去用Backlinks Checker,揾翻一啲其他行家或者其他網站有嘅Backlinks嘅來源,咁就逐條逐條去跟返個Backlinks,做返個Backlinks畀自己。但係另外一個做法,我哋可以幫襯一啲Backlinks公司。其實我自己用過一間Backlinks公司,就叫backlinks.hk呢間公司,係香港比較少數做Backlinks公司嚟,佢哋成個團隊都係香港人。其實個交易就簡單嘅:你只要將你想做嘅keywords同佢講,佢哋就會幫你將呢個keywords放喺其他唔同DA比較高嘅網站。

其實如果根據我同佢哋嘅經驗,其實佢會幫我放喺DA 30以上嘅網站到,所以其實個成績都唔錯。我自己如果話分享嘅話呢,其實我幫襯過呢間公司兩次啦!有一次做一個商標註冊網站,另外一個就做一個會計師樓嘅網站。咁其實呢兩個網站都係會有兩三個月,到而家為止應該四個月到,咁其實個排名都keep到第一版。咁所以我覺得唔錯,因為其實佢就會俾一個report你,姐係可能before有幾條Backlinks,然後after佢個campaign之後就加幾多條Backlinks,咁其實係有個report俾你睇到啦,咁其實都見到有增長喎,咁呢個Backlinks其中一個啦,咁我覺得Backlinks其實好重要!

2.Keyword Research

咁第二個想同大家傾下嘅,做SEO要注意嘅事項就做keyword research。咁其實好多時大家做SEO啊嘛,咁但係大家呢好多時都係冇留意到,究竟我要做邊個keyword嘅SEO research㗎?即係做啲研究,咁就首先第一件事,你都唔知道究竟我做咗keyword有冇人流去睇?好多時候大家做錯咗,做咗一啲冇人search嘅。即係我舉個例子:我最經典嘅例子係咩呢?就係有啲SEO公司同你講,我幫你做SEO,但係你個SEO個keyword係你公司個名,咁你唔會有人search。咁會有人search你公司嘅名,但係你唔需要爭呀嘛!咁我哋其實係想去做一啲啲人search你個keyword嘅時候呢,其實係會揾到你公司啦!同時間佢係好有興趣去買你啲產品。

咁我又舉個例子啊:例如而家我哋好興做呢個叫做凍肉生意,咁我當係網上賣凍肉,咁你其實可以霸「凍肉」呢個字啦!咁但係如果你係一間網店嘅話,或者其實你霸「網購凍肉」,或者「網購凍肉特價」,或者「網購香港凍肉」,咁呢啲keyword就容易爭啲啦!同埋你能發掘到個客人嘅intention其實係越好,因為其實只要佢係真係好想買凍肉嘅時候,佢就會search「凍肉特價」,咁如果你排第一版嘅話佢就會揾到你。

咁所以其實做keyword research就要諗下,究竟呢個keyword有冇人去search?而家search嘅時候有幾多人睇?睇嘅人係咪真係想買?咁我就有幾個小工具介紹啦!因為其實今日都想介紹幾個小工具啦,頭先我講嘅backlinks.hk就係其中一個工具,另外一個今日如果講keyword planner嘅話,keyword research嘅話,我會喺介紹Keyword Planner,咁喺個圖片到會出現個Keyword Planner。咁另外就會介紹一個Keyword Planner,同埋一個叫Google Trends,Keyword Planner同Google Trends,咁呢兩個都係我比較喜歡去查下,呢個keyword背後有啲咩嘅人流,同埋佢嘅intention係啲乜嘢?

3. HTML Highlight

咁第三件事就話當你去揀好曬所有keyword之後呢,你就可以寫一篇文。你話其實寫SEO文都唔係話太複雜,其實一言講晒呢!其實你將所有相關嘅字塞晒去篇文度,但係你塞完之後呢?其實你都要好似用螢光筆,你要highlight一啲重點畀Google知道嘛!咁我哋highight嘅時候,個重點就係第三個我哋要做嘅嘢,就係我哋要注意HTML!咁我哋就會用HTML去highlight一啲重點,令到Google去相信嚟你同埋認同你。你篇文佢係關於某一個重點,即係好似我哋將個重心,墜咗落去某一個重點到,而我哋墜落去嘅時候,其實我哋係需要有一啲HTML嘅輔助。

咁我哋有幾個HTML要注意:第一個就係H1,姐係Header 1 Header 2呢啲,咁一定要將啲重點擺入去啦!即係你一定要將一啲你嘅關鍵字放喺H1同H2度啦,咁就越左邊係越好,越前面越好。咁另外一個就係TITLE啦,咁TITLE就好少人講嘅,因為你就比較少見到啊。其實TITLE就係瀏覽器最上嗰個標題,而家我哋見到螢幕上面個位就係TITLE,TITLE就會喺搜尋器到出現。另外就係Meta Description,你都要注意啦!Meta Description同埋TITLE H1 H2,同埋有一個就叫Image嘅alternative,都係好常見擺keywords嘅位置。

4. Structural Data

好啦咁我哋呢邊就都講咗好多唔少,有Keyword Research,做Backlinks 亦都有講HTML。咁第四個我想同大家分享嘅呢,就係話有一個叫做Structural Data。Structural Data即係結構化資料,即係話我哋平時搜尋嘅時候,我哋係咪有時會揾到一啲喺個搜尋結果嗰度會出FAQ,有幾粒星星嗰啲,咁嗰啲其實全部都叫結構性資料。咁其實而家Google就會detect究竟你個HTML,你嘅網站嘅HTML有冇包含咗一啲Google認可嘅結構化資料。

當然啦 你話我點樣去搵呢啲資料?點樣去搵呢啲結構?其實你可以上去呢個網站啦:Structural Data Google呢個網站,就可以揾到相關嘅結構,咁你就可以呢自己就將呢個結構放喺你嘅網站嘅原始碼度啦,Google下次嚟嘅時候detect到,佢就會知道呢個網站有FAQ,咁但係你哋話係咪好難做?其實係嘅,如果你自己唔識嘅話係就比較難做嘅。但係如果你係WordPress用家,咁你可以有個WordPress嘅Plugin,你可以去用啦!咁你可以試下search review statspack或者reach schema呢啲Plugin啦。你都可以揾到相關嘅資料,你可以只要填啲資料落去,佢自己會生成一個Structural Data。

5.Update!Update!Update!

咁我哋喺2021年最重要呢,我覺得最重要做SEO係咩呢,就係要update啦,咁我講多次,係update update同埋update。因為如果你個網站唔update嘅話呢,基本上呢Google係唔會排名,即係佢會覺得你嘅網站唔夠新鮮唔fresh嘅,咁我自己關於update呢,其實我有幾個要點同大家分享下。首先第一件事,你keep住自己每個禮拜update一次,但我所講嘅update就唔係全部改哂,而係你可以改少少。例如話你有篇文章你想update佢,你咪喺上面加多少少資料囉!咁就為之update囉!咁但係最緊要update喎,如果你唔update Google下次嚟嘅時候呢,因為你suppose當佢每個禮拜嚟一次啦。如果佢下次嚟嘅時候,都見到你係完全一模一樣嘅,佢就會覺得都唔update嘅,下次就唔再嚟 你嘅排名就會再低啲。

好啦咁update完之後呢,記得要同佢講我真係update咗㗎!咁點做呢?其實你可以試下喺個喺Tiltle到,加翻啲日期,咁我自己試過有個朋友做維修,當然我就費事講佢係咩維修啦,因為都話唔好講,佢話其實佢係長期排喺Google第一版。咁佢就係乜乜維修咁樣,但係佢就會加返個日期:六月份乜乜價錢,七月份乜乜價錢,八月份乜乜價錢。令Google覺得你真係幾update喎!個個月都update喎 咁咪keep住上,因為Google係最想介紹update嘅資料俾佢啲用家。所以你要表現到係update!我哋就以上講咗五個point但係我哋2021年做SEO必要嘅嘢。

SEO 5大秘訣的總結

咁我就講一次啦!第一個就係多啲做Backlinks啦,你可以自己做啦,或者搵backlinks.hk幫手做啦。咁另外一個就Keyword research,你記得自己嗰個keyword係要中啦!同埋係要profitable,即係話要有生意啦,同埋啲人嘅intention真係想買嘢,你唔可以揾啲人嚟齋睇唔幫襯㗎!第二個就係話,寫完之後記得注意返個HTML個Tabbing,即係用個HTML去強調你嘅關鍵詞,之後就多啲做Structural Data,然後就勤啲update。咁我哋根據啲五個point呢,希望大家喺2021年能夠排得好名次!我哋喺度就祝大家蒸蒸日上!byebye!

網頁製作員的思考方法

Hello 點止學野嘅朋友大家好!我係點止學野嘅Andy Sir。今日就想同大家share一啲嘢,其實我自己今日都覺得幾滿足,因為我自己教網站設計班,其實我哋成日都會有個問題:究竟我點先能夠好概括咁同學生講,究竟我哋作為一個Web Developer,點樣去整一個網站呢?咁我其實我覺得係有個心法嘅,我覺得有一套心法或者要訣,當個學生一明白咗呢個要訣之後,佢就能夠係做邊類型嘅website,或者係用啲咩tools去做website。其實都會一理通百理明,所以我今日就諗咗個叫做,網頁製作員嘅思考方法,我用咗一個早上去度咗個課程出嚟,大概咁十零個PowerPoint咁啦。咁將我自己嘅一個心得講出嚟。

當然啦呢條片就係同大家分享呢件事,呢條片就唔係講網頁製作員嘅思考方法,第時有機會可以出條片教大家做。咁另外一件事就係,點止學野嘅班其實開始都full㗎啦,今晚由Creamy老師教嘅落ADS實驗室。落ADS實驗室其實係一個班,佢最大嘅賣點就係我哋公司有錢,係真錢俾你去做廣告,咁佢會教你Facebook,Google Ads Marketing咁樣,因為你哋有好多時會請公司落廣告,但係如果話你自己落廣告嘅時候,其實都係會落錯嘅,你撳錯掣嘅時候基本上等於倒錢落海。Creamy老師其實都係我哋點止學野,其中一個好experienced嘅老師,咁其實佢會教我哋一啲落Ads嘅技巧,我希望大家的CPC越平越好!

發佈回覆

你的電郵地址並不會被公開。 必要欄位標記為 *

WhatsApp chat