速成班
喺香港做電繪插畫師
喺香港愈嚟愈多人重視文創產業。無論係商場搞嘅文創市集、插畫展都可以見到一班電繪插畫師嘅身影。一班好受年輕一代歡迎嘅香港知名插畫家，例如謝曬皮﹑怪叔叔/咳神(Cuson) ﹑Plastic Thing等，你一定聽過！
如果你都想做插畫師搵食，可以試下接freelance job，出版個人嘅文創作品，例如插畫集、繪本、漫畫，或者加入動畫工作室製作動畫，出NFT等等，收入可以非常多元性。
如何成為電繪插畫師？
想成為電繪插畫師，首先一定需要熟習電繪軟件操作，同埋要掌握電繪技巧。而想增進電繪技藝，學習電繪基本技巧的話，最推薦嘅方法就係報讀電繪課程喇！當你掌握到一定程度嘅電繪技巧之後，就可以開始定期參加各種電繪比賽、加入唔同嘅繪圖群組或圈子嚟獲取經驗同專業意見。
電繪入門課程推薦
如果你係電腦繪畫新手，想學習同提升自己嘅電繪技巧，呢個電繪入門課程非常適合你報讀！課程由專業嘅電繪插畫師任教，教你認識Clip Studio Paint軟件同Wacom繪圖板嘅基本操作。課堂上一人一機即時練習，導師會帶領你學習臨摹技巧、由起稿至上色嘅流程，例如靜物/動物平塗、靜物厚塗、五種配色法同埋利用光影以及陰影營造立體感等技巧。
完成課程後，你就可以由選材、起稿至上色，一手一腳繪製一幅完整嘅構圖，畫出你嘅獨特作品。你亦可以將作品用喺網上宣傳，或者用作平面印刷嘅素材，開啟接電繪job嘅大門！
Q版角色電繪入門課程推薦
如果你想畫出又萌又可愛嘅Q版角色，營造親切、有趣嘅形象，就可以報讀Q版角色電繪入門課程。呢個Q版角色電繪入門課程由專業嘅電繪插畫師手把手教你點樣使用Clip Studio Paint 軟件同Wacom繪圖板。由簡單嘅臨摹練習繪畫Q版角色開始，到學習點樣將角色變成幾頭身嘅Q版。當中嘅技巧包括設計Q版人物或者動物嘅五官表情、動作、服裝，男女身體比例，唔同角色嘅個性塑造，筆刷運用，Q版場景設置，氣氛營造，平塗上色等，亦會教你提升插畫吸引力嘅秘技。
上完課程後，你可以即時繪畫出一個原創嘅Q版角色，以電繪插圖講出自己嘅故事。你嘅作品可以用喺社交媒體、商業宣傳等用途，創作出自家素材！
想要入行成為電繪插畫師，接到電繪job，或者想喺電繪插畫比賽中獲勝，都需要先增進電繪技巧。所以以上嘅電繪入門課程係你唔可以錯過嘅必經之路！
2023 最新電繪插畫師插畫報價
當成為電繪插畫師後，你可以接受不同嘅電繪委託，而你嘅作品可以用喺書籍﹑報章雜誌﹑卡通漫畫﹑廣告﹑網絡遊戲﹑各社交媒體等渠道上。而電繪插畫師嘅收入係按經驗同作品水平而定，每件電繪作品行情大約係$500-$5,000元不等，並且根據修改稿件嘅次數去調整價錢。而唔同嘅繪畫尺寸、繪製主題、精細度、繪製時間等，都有唔同嘅報價範圍。
電繪插畫師點樣接Job?
想開啟電繪插畫師接job之路，應該點做好？首先你可以喺freelance平台上接job ，例如Toby﹑freehunter﹑HKESE等。除咗接香港嘅job，仲可以接唔同地區嘅job ，包括中﹑港﹑台﹑馬來西亞﹑新加坡等等，例如Fiverr、1111外包網、HoliBear等等外國嘅freelance平台。電繪插畫服務係無分國界，只要你嘅作品滿足到客人需求，就可以成為你嘅收入來源！
你亦可以加入相關嘅Facebook群組接電繪委託，喺呢類型嘅群組入面周不時都有人出post想請畫手、繪師，例如IllustBuy畫師群 (分享, 委託)、Art Commission | 繪圖委託/藝術創作/接案平台 等Facebook group。你都可以將你嘅作品擺上group同其他人share，俾更多人欣賞同認識你嘅電繪作品。
除咗加入Facebook群組，你都可以加入香港插畫師協會，成為會員接委託。香港插畫師協會（HKSI）係一個集合咗全港最多專業插畫師嘅非牟利團體。當你加入並成為會員，你就可以喺HKSI嘅網頁上設立屬於個人嘅作品專頁，亦會得到協會嘅推廣，俾潛在客戶更易搵到你嘅電繪作品。你亦可以用香港插畫師協會會員嘅名銜去做自我介紹同宣傳，為自己增加接job機會。
同時，你可以選擇建立個人電繪插畫作品集，或者成立個人網站，透過一個屬於你個人嘅平台去展示同整理自己嘅作品，方便委託方搵到你同了解你嘅作品。
知名嘅電繪插畫師，都係透過佢哋嘅社交平台定期發佈作品，而令大眾認識到佢哋。所以想成為電繪插畫師嘅你，開設自己嘅社交媒體帳戶，經營好個人品牌，係必不可少嘅第一步！你可以運用社交平台，例如Instagram、Facebook、YouTube等，宣傳自己嘅電繪作品，吸引大眾成為你嘅粉絲同支持者。當你獲得一定人氣同知名度之後，就會有委託主動邀請你合作。當然喺過程中，都要花心思同用時間去好好經營個人品牌，同時要不斷精進電繪技術，先至會吸引多啲人欣賞你嘅電繪作品！
入行成為電繪插畫師
想精進電繪技巧，變成專業技能，甚至入行成為電繪插畫師嘅你，唔知點入手好？唔使擔心！點止學嘢嘅電繪入門課程同Q版角色電繪入門課程都有專業嘅電繪導師為你分享大量專業電繪技巧。就算係完全電繪新手，或者想溫故知新嘅同學仔，都保證你可以由0開始掌握電繪技巧，創作出獨特嘅插畫作品，將興趣發展為職業！
