如何成為Graphic Designer？Logo設計高達$6000！如何接freelance job？

這篇文章會詳細解釋如何成為Graphic Designer？教你如何入行做平面設計師。同時，也會介紹香港平面設計的收費，及如何接到Freelance工作！非常適合打算投身做Graphic Designer的人士閱讀。

喺香港做Graphic Designer

平面設計不論喺香港或者全球，應用都非常廣泛。例如簡單一張海報﹑餐單﹑路上或交通工具上嘅Banner，甚至係平時喺IG﹑FB睇Follow開嘅專頁或者媒體佢哋發佈嘅內容，例如文章封面﹑帖文圖片等，都需要用到平面設計技能。

你有冇諗過可以學識平面設計技能，為自己增加額外收入，入行成為平面設計師，甚至係為自己嘅公司設計唔同平面宣傳內容？

如何成為Graphic Designer？

要成為平面設計師，需要具備一啲條件同技能。首先喺條件上，你需要有足夠嘅審美能力，能夠分辨到設計作品嘅好與壞。並且有能力透過有限嘅畫面，淨係利用圖像以及構圖嚟向受眾傳遞清晰﹑有用又具美感嘅資訊。所以平面設計好講求設計師嘅視覺傳意能力。當然仲要有好好嘅創意，去不斷創作優質嘅平面設計作品。

而喺技能方面，平面設計師最基本要識得用Adobe Illustrator同Adobe Photoshop。Adobe Illustrator（以下簡稱為AI），係用嚟製作插畫、印刷設計、網頁圖像嘅軟件，擁有放大縮細都唔失真嘅向量圖形格式。而Adobe Photoshop（以下簡稱PS）就主要係處理以像素所構成嘅數碼圖像，可以有效進行圖片編輯嘅工作。作為平面設計師，係要經常用到AI同PS呢兩種工具，所以精通AI同PS係平面設計師嘅必備技能。

AI同PS兩個軟件嘅功能都非常多，所以好多新手一打開個軟件都會覺得好複雜，無從入手。如果你係平面設計新手，又想學習AI同PS嘅基本常用工具同操作，就可以試下報讀點止學嘢嘅平面設計課程，包括Adobe Illustrator 課程﹑Adobe Photoshop課程。

喺點止學嘢嘅AI課程入面，課程理論同實務並重。導師會教授平面設計嘅美術同排版理論，點樣利用AI繪製出圖形、路徑、圖層、字體、顏色同漸層嚟製作平面設計，更會針對咁教你製作常用嘅商用平面設計，俾你一次過學齊6款香港常用平面設計: 咭片、宣傳Banner、Flyer傳單、餐廳菜單、易拉架等印刷品同數碼宣傳品。

而PS課程嘅特色，就係會教你Photoshop嘅常用設定同概念等操作方法，包括Pixel、DPI、PPI、Color Mode、PNG透明檔等等。此外仲會針對咁教授PS 製作商業相片技巧，包括貨品去底、Key圖、調色處理、色相、Mockup Logo圖片、人像修飾、去斑去紋等技巧。上完PS堂之後，你就可以自己獨立處理圖片，有能力幫人像、寵物照、貨物、商品、Logo Mockup圖、二次創作相片整到靚一靚！

如果上曬AI堂同PS堂之後，覺得唔夠喉，仲可以上埋平面設計進階課程！呢個課程係專俾完成咗AI或PS入門課程嘅同學。課程主要教授平面設計原理同設計思維、你仲會做到超過10個商業平面設計嘅實習，建立專業嘅個人作品集。課程仲會教你接Job等進階技巧添！如果你係想入行做平面設計師，或者想提升平面設計能力，並且想接受全面嘅平面設計訓練，就一定唔好錯過呢個平面設計進階課程啦！

想成為Graphic Designer嘅你，除咗記得報讀AI課程、PS課程、平面設計課程之外，平時都要記得透過閱讀唔同嘅平面設計書籍、瀏覽唔同嘅創作平台，例如 Instagram﹑Pinterest等去參考人哋作品，了解平面設計嘅最新流行動態，不斷去進修同深化自己嘅平面設計能力。

Graphic Designer點樣接Freelance Job?

想接到平面設計Freelance Job，首先需要建立屬於你自己嘅個人作品集或者成立個人網站，用嚟展示同整理自己嘅作品，亦都方便委託方了解你嘅作品。

你都可以選擇開設一個專放你嘅平面設計作品嘅社交媒體，用嚟宣傳你嘅作品，經營好個人品牌。你亦可以利用社交媒體同同行多作交流，建立相關人脈。

另外，你可以喺唔同嘅Freelance平台開創帳號，例如Toby﹑Freehunter﹑HKESE﹑Pro360等，建立個人檔案，並且上載你嘅作品集，增加曝光的機會。你更有機會喺呢啲平台接到唔同地區嘅job ，例如中﹑港﹑台﹑馬來西亞﹑新加坡等地方嘅job。

而喺Facebook，都有唔同嘅發案招聘群組接委託，例如外包達人-提案/接案/、SOHO接案坊 – 外包 / SOHO族接案 / 平面設計 / UIUX設計 / 動畫設計 / 影片剪輯 / 音樂音效。喺群組入面都周不時有僱主出post想請兼職或者freelance平面設計師，你都有機會喺入面搵到適合自己嘅平面設計工作。

如果你係想成為全職Graphic Designer，可以定期留意下唔同求職平台嘅空缺，例如JobsDB、CTgoodjobs等，再針對有興趣嘅空缺準備相關作品集同CV，以提高求職成功率。

2023最新Graphic Designer作品報價

當你建立好一個唔錯嘅作品集之後，就可以成為in-house 設計師或者接Freelance Job。常見嘅平面設計種類包括Logo設計﹑名片設計﹑傳單及海報設計﹑菜單設計﹑包裝設計等等。想知道唔同嘅平面設計種類點樣報價，可以睇睇下面呢個價錢表。

以下是2023年香港平面設計報價參考：

2023年 Graphic Designer課程推薦

平面設計係香港好常用到嘅工作技能，即使你未來唔係成為Graphic Designer，喺唔同嘅工作上面都需要用到平面設計，例如大至設計廣告，小至設計一個社交媒體post，都要好講求你嘅平面設計技巧。而如果想入行成為Graphic Designer，就更加需要學識平面設計專業技巧，增進個人能力。

想要有系統，有專業導師一步步教你由0開始學習使用平面設計軟件，做出令人滿意嘅平面設計作品，就唔好錯過點止學嘢嘅Adobe Illustrator 課程﹑Adobe Photoshop課程、平面設計課程啦！

Andy Suk

Andy Suk是網頁製作及SEO搜尋引擎最佳化導師，利用SEO技術協助不少中小企業進軍網上市場拓展業務。他更把SEO的技術結集成書，是《SEO秘技100招》的作者。近年，Andy決定投身資訊科技培訓，分享自己的知識和經驗。

點止學嘢目前有4個獲香港持續進修基金資助及資歷架構認可的課程，包括「網頁製作證書」、「數碼內容行銷證書」、「平面設計及製作證書」及「數碼影片剪接證書」，培訓的學員數目達1000人。點止學嘢的導師均是業內熟手之人，同時又極富教學熱誠，敢將最新最貼地最實幹的行業知識傾囊傳授。