速成班
「我嘅訴求喺番工！」虛擬辦公室 實行邊玩邊做
疫情之下Work form home已經成為工作常態，好多人因為長期困係屋企失去社交而覺得寂寞，所以最近一款視訊媒體「Gather Town」就迅速彈起！
Gather Town推出虛擬辦公室比大家可以創立属於自己嘅角色，更可以設計辦公室內部環境，例如會議室、Pantry或遊戲室等等，同事開啟鏡頭加入後就可以隨時隨地用視訊或文字溝通，呢款軟件不禁令人聯想起玩Minecraft或The Sims，可以創做自己喜愛嘅角色同空間，如果你都對空間改造類型嘅遊戲有興趣，相信呢款軟件都會吸引到你，實行工作於娛樂。
當中有不少得意功能，例如當同事角色「行近」你，就會開啟視訊同聲音功能，同現實中同事親身行過嚟同你傾計一樣。除此之外，虛擬會議室入面有白板提供，同事只要點選白板就可以共同書寫，比起只有視訊而言，不再局限只有畫面同聲音，有更多互動性，自然工作更有效率！另外遊戲室內有不同小遊戲，放break時同事們可以一齊玩入面嘅小遊戲，放鬆之餘又可以增進感情。
Gather Town重有不同進階功能，細微至辦公室地板及牆壁都可以獨立設計，打做自己鐘意的工作空間，發揮創意外工作都會有更多動力！Gather Town可以打破冷漠嘅線上溝通，增加人與人的互動。疫情期間其實不少公司都發現同事Work form home工作更有效率，就算疫情過去，線上工作無疑都會成為以後的工作型態，用一個有「溫度」嘅軟件作為同事之間嘅橋樑，相信喺不少公司的一大福音。
