在家工作，蕃茄鐘工作時間管理法

Home Office提升工作效率的方法

番茄鐘工作法

HiHi~ 大家好呀
咁我身邊有好多朋友都開始在家工作。
咁其實WFH對抗疫嚟講一定係有幫助啦
但係呢返到屋企做嘢工作效率就好低
咁我哋今日呢就介紹一個呢好正嘅時間管理方法
可以幫助你好好管理嘅時間
提升生產力
咁呢個方法就叫做番茄鐘工作法
身邊如果有朋友呢都係work from home的話
希望你可以SHARE條片畀佢睇
等佢唔好做嘢拖得一日得一日
成日都好鬼懶
坐喺屋企乜都做唔到啦
睇點之前請LIKE & 訂閱呢個Channel
同埋SHARE俾有需要的朋友

蕃茄鐘的來由

如果你想學網頁設計
想學SEO推廣
Facebook 推廣
都請去我哋網站 「點止學嘢」去睇睇最新課程
點解我會識呢個蕃茄鐘工作法？
我前幾日睇咗台灣行政院政務委員唐鳳的訪問
佢自己都係Work From Home
工作秘訣就係一個叫蕃茄鐘工作法
睇完之後就覺得咁神奇，蕃茄鐘工作法
Search咗之後
發現蕃茄鐘工作法，係意大利人
在 1980 年
有個叫做佛朗西斯科的意大利人所發明嘅
時間整理方法
呢個時間整理方法簡單
佢把時間分開30分鐘為1節
咁30分鐘裏面要用25分鐘
要專心去做一件你自己設定好嘅事
咁5分鐘就專心啲去休息
咁即係話25分鐘就不斷去衝刺做一件事
然後5分鐘就係休息
咁我哋呢個做法係叫蕃茄鐘工作法

蕃茄鐘是怎樣做的？

咁我其實我自己都試過
咁我陣間我會分享返我自己試過嘅感受
開始講下呢點樣去做呢個蕃茄鐘
我哋每一次節蕃茄鐘就係30分鐘
中間係25分鐘做嘢
咁5分鐘休息
我哋每日坐低開始做嘢嘅時候
首先要用15分鐘時間列出我哋今日要完成工作
例如今日要出報價單
覆 5 個emails
有 5 個emails要覆
update公司網站
寫下一次拍片的講稿
Check銀行戶口、Send Whatsapp
簽幾個網上聯署
首先我哋要看看工作嘅困難程度
就去計劃我哋用幾多個蕃茄鐘去做
例如話想出一份報價
就用一個蕃茄鐘
25 分鐘工作時間 ， 5 分鐘休息
如果要覆 5 封emails
咁要看你自己情況
我地自己就用一個蕃茄鐘
即係25分鐘加 5 分鐘休息
咁如果update網站都係你一個Task
咁要一個蕃茄鐘
如果要寫一篇講稿
咁一般嚟講就需要用四個蕃茄鐘
即係兩個小時去做
咁如果你係做啲濕碎嘢嚟
例如係check銀行戶口
send whatsapp追人俾錢
同埋或者上網簽聯署
呢啲細嘅tasks就會group埋一個蕃茄鐘
咁即係用25分鐘都做曬 ＋ 5 分鐘休息

10個蕃茄鐘要注意的事項

我依家大家分享下，蕃茄鐘要注意的事
第一件事就係首先你要用15分鐘時間
將每日要做嘅嘢列出嚟
第二，就當你去專心去做一個蕃茄鐘工作時
就要阻截曬所有干擾
關咗whatsapp佢
特別係桌面版whatsapp
我建議你一定要閂咗佢
如果唔係就ICQ
你做做吓時，一定有人搵你
同埋去廁所大小二便屙屎屙尿全部做曬佢先
第三，要逼自己在已訂的蕃茄鐘時間內完成工作
好啦，如果真係咁不幸完成唔到
唔緊要，照加鐘！
呢你記住你Mark返清楚
你呢個task用咗幾多個蕃茄鐘
下次就可以預得好少少
第四，如果你中途諗起有啲嘢做嘅時候
千其唔好分心
如果唔係咁就會搞唔掂㗎啦
乜都搞唔到！
如果醒起有新工作，記住你即刻要寫喺張紙上
在再下一個蕃茄鐘就可以排隊做返
千其唔好分心
第五，如果你咁不幸分咗心
被人打擾咗的話
咁就要重新計過 25 分鐘
第六，做了 25 分鐘後，就要休息 5 鐘
呢5分鐘就俾你休息，同做其他事
覆下朋友D Message
用呢 5 分鐘時間做
同事搵你呢你就用五分鐘時間覆返
就算你WFH，都會有同事找你
咁你可以覆返同事嘢
咁你同事會覺得都在25分鐘內覆佢喎
記住呀我哋係30分鐘定休息5分鐘
你就喺嗰5分鐘覆佢
第八，連續做咗4個蕃茄鐘就休息30分鐘
希望你將啲好細嘅task
好似上網上銀行呀
簽一個聯署呀
呢D 細工作就擺喺一個蕃茄鐘做
第十，當你做好一個Task，記住在紙上delete佢
就會好有成功感
我都用咗蕃茄鐘幾日
其實係OK 喎
我覺得自己好似去咗龍珠裡面
果間精神時間室
無人會干擾你
我會同同事講：「千祈唔好騷擾我啦」
凡係見到啲人send message比我
講D無謂嘢、或者其他公司嘅嘢
呢或者或者其他Project 嘢
我都係唔會覆佢住
我一定係等到5分鐘休息時間我先覆
我自己發現咗咁樣做
你工作效率係非常之高
你每日可以做好多嘢
如果你相比果D無用蕃茄鐘的人
佢地真係成日傻鳩鳩，唔知做乜嘢
如果你身邊有朋友
每日在屋企唔知做D乜
或者果個人好鍾意拖
做乜撚都拖既話
你可以介紹呢個蕃茄鐘工作法俾佢
不妨share呢條片俾佢
學識呢個蕃茄鐘工作法
好簡單的時間管理方法
對工作非常有幫助
因為依家好多人Home Office
希望大家學識蕃茄鐘工作時間
當大家Home Office既時候
可以做得更好
但點解蕃茄鐘叫蕃茄鐘 ？
咁我就唔在呢個Video講
你都係睇下面條Link
(下面有LINK ）
會LINK 去點解蕃茄鐘叫蕃茄鐘的文章
記得LIKE 我哋CHANNEL
訂閱啊
同埋「開啟訂閱通知」
下次我出片你就可以第一時間看到
記住分享呢條片俾有需要的人啊
好，BIBI
點止學嘢，一齊學嘢

Andy Suk