fbpx

【做YouTuber第一步】由諗橋到影片發佈一次過話你知!(持續更新)

我要做YouTuber

我想做YouTuber!

好多人都想做YouTuber,但發現資源太雜亂分散,而且比較碎片式咁去介紹。依家一次過由頭到尾咁去介紹俾你知YouTuber點樣由零開始到完成upload上YouTube、睇埋後台Result!

呢篇文章會持續更新,記得定期留意我哋介紹嘅最新資訊啦!

做YouTuber由諗橋開始

你以為好多YouTuber都係憑空諗拍咩題材?其實可以調轉思路,由熱門關鍵字入面構思影片嘅內容方向,可以參考Google trend 香港Google trend台灣,咁樣做仲可以食到SEO嘅關鍵字。

我要做YouTuber_Google Trends_HK

我要做YouTuber_Google Trends_TW

Google Trend係一個由Google推出嘅網絡搜尋趨勢分析工具。只要你輸入所需關鍵字、地點、時間線,或者直接click入去上面每日已經整合咗嘅Google搜尋趨勢,就可以掌握搜尋趨勢數據,握市場脈搏,幫助構思拍片題材。

我要做YouTuber_NoxInfluencer

同時都可以留意Youtube 熱門走勢,了解唔同地區有啲咩最熱門嘅影片,繼而可以拍攝香港版本嘅內容。

YouTuber拍攝前要準備啲咩

做YouTuber所需拍攝素材實物類介紹

YouTube拍攝設備選購網站1:TradeDuck 香港以物易物網

Tradeduck.com係一個利用以物易物為交易方式嘅網上交易平台,並設有贈送物品平台。用家可以喺網站入面以自身物品換取其他想要嘅物品。
*最新消息 12/8/2022:根據TradeDuck Facebook帖文表示平台暫時停止運作,未有交代原因同重開詳情。

YouTube拍攝設備選購網站2:Carousell

我要做YouTuber_Carousell

Carousell旋轉拍賣係一個二手買賣平台,有app同網站版本。平台上面幫唔同嘅產品分好類,包括電腦及科技配件、手機及配飾等,大受香港用家歡迎!Carousell提供一個平台俾買家同賣家聯繫,用家可以自行決定點樣交易。

YouTube拍攝設備選購網站3:hktvmall EcoMart

我要做YouTuber_Hktvmall_Ecomart

由HKTVmall開設嘅EcoMart綠色市集係一個網上二手市集。只要成為HKTVmall嘅會員,就可以同其他人以買賣、交換、送贈嘅方式進行交易。

YouTube拍攝設備選購網站4:香港二手物品交易平台

我要做YouTuber_香港二手物品交易平台

香港二手物品交易平台係由香港環境保護署提供嘅免費社區服務,平台上嘅物品分為捐贈、售賣、交換等交易方式。平台上除咗可以查看其他人提供嘅物品,仲可以提出物品徵求,獲得自己所需物品。

YouTube設備選購商店5:Living Plaza by AEON / Daiso Japan

我要做YouTuber_Daiso_Product
我要做YouTuber_Daiso

­同以上介紹嘅二手交易平台唔同,Living Plaza by AEON / Daiso Japan係主打高實用性嘅生活雜貨實體專賣店,不論係日常用品、文具、收納用品,Living Plaza by AEON / Daiso Japan都應有盡有,大部分商品仲要只係$12咁平!Facebook更加有12蚊店好物交流group互相介紹購買咗嘅好物。

做YouTuber所需線上素材/工具圖片素材庫介紹

素材庫 1:shutterstock

我要做YouTuber_shutterstock

有中文版本網站嘅Shutterstock每個星期都會更新超過170萬張新圖片、影片同音樂。你可以喺第一個月免費使用10張,如果你想獲得額外商用圖片,就需要俾每個月$29美金訂閱費,以作版權收費用途。

素材庫 2:Freepik

我要做YouTuber_Freepik

英文網站Freepik係一個免費圖庫,內容包括超過200萬種可商用向量、PSD、ICON 等素材,但一定要輸入英文嘅搜尋關鍵字先會搵到所需圖片。

素材庫 3:Unsplash

我要做YouTuber_Unsplash

Unsplash係免費圖庫網站入面照片解析度最好嘅英文網站。Unsplash主要提供風景相、自然景色,好多都係無版權嘅免費圖片。搜尋時建議用英文搜尋,就會搵到更多內容!

素材庫 4:Free Stock Photos by Canva

我要做YouTuber_Free Stock Photos by Canva

Canva係一個線上設計免費工具,網站入面有好多免費圖片可以下載。你更加可以快速將圖片轉換成你想要嘅尺寸大小,方便你將圖片應用喺唔同嘅社交媒體,或者做到想要呈現嘅效果。搜尋輸入內容中英文皆可。

素材庫 5:いらすとや

日本免費圖庫 irasutoya

日本知名免費圖案素材庫いらすとや收錄類型廣泛,包括節日、人物、婚禮等,更支援最多20張使用上限嘅商用圖片。網站提供去背嘅PNG圖片檔案,但高解析度嘅圖片就需要收費。網站雖然係日文,但有部分漢字同圖片清晰解說,即使唔識日文,你都可以知道素材類別。

做YouTuber所需線上素材/工具屏幕錄製APP/工具介紹

屏幕錄製網站:Screenapp

我要做YouTuber_screenapp

Screenapp係一個免費嘅線上屏幕錄製工具。只要透過瀏覽器就可操作,無需額外下載APP或者Plugin。而且無需電郵註冊,就可以免費使用15分鐘屏幕錄製,非常容易操作。註冊後更可以使用高級功能,可以錄影至上限3小時。但Screenapp嘅缺點係無法下載成webm以外嘅影音檔案,所以如果想要其他影音格式,就要自行後製轉檔。

屏幕錄製APP:Mobizen Screen Recorder

我要做YouTuber_Mobizen

Mobizen Screen Recorder係一款免費嘅Screen Cap同屏幕錄製Android App。APP仲附有剪接編輯、畫圖功能,兼且無需限外付費都可以輸出無水印的作品。呢個APP更加可以製作出GIF表情動圖,同埋屬於自己嘅水印。不過Mobizen Screen Recorder暫時只支援Android Google Play用戶。

屏幕錄製電腦軟體:OBS

我要做YouTuber_OBS

OBS係一款免費嘅開源嘅網絡影音同直播軟體,有非常強大嘅Setting功能。除咗可以將電腦嘅聲音、畫面、Webcam、外接影音裝置等錄落嚟,更加支援YouTube、Facebook Live、Twitch等幾十種網路串流平台嘅直播。軟體入面更有綠幕去背、文字公告、跑馬燈效果、轉場特效、聊天室訊息等,功能非常齊全。OBS支援Windows、Mac同Linux,非常適合需要直播嘅YouTuber使用,尤其係打機嘅遊戲實況主。

做YouTuber: YouTube拍攝應用程式及器材介紹

應用程式1:Musemage

我要做YouTuber_Musemage

Musemage係一款影片剪輯同圖片編輯收費iOS App,只需要$28HKD,就可以「手動」調整光圈、ISO焦點同曝光度。更可以喺拍攝時加入超過100種濾鏡,例如定格動畫、背景虛化等,幫助你製作出專業嘅影片!

應用程式2:ProCam

我要做YouTuber_procamapp

ProCam係幫手機嘅攝影介面提升到專業程度嘅收費App,價錢為$78HKD。無論係感光度、快門速度、白平衡、對焦等都可以設定,亦都有延時攝影、影片、照片、夜間模式、連拍、低速快門、人像等多種模式。當你想拍攝夜景、流星、車行軌跡,ProCam就可以幫到手呈現最佳效果,非常值得一試嘅Vlog App!目前ProCam 只支援iOS系統,Android用家要留意喇。

YouTube拍攝器材1:手持穩定器

如果你需要到戶外、橫街窄巷等地方拍攝,手持穩定器係你拍YouTube必不可少嘅拍攝輔助器材。手持穩定器比起一般嘅自拍神器,更可以幫助你喺拍攝時減輕畫面震動效果。以下會介紹3款唔同功能同價位嘅手持穩定器。

a) Sony 無線遙控拍攝握把GP-VPT2BT
如果你係用相機拍攝,就可以試下Sony 無線遙控拍攝握把GP-VPT2BT。呢款手持穩定器外形輕巧,手柄經過精心設計,俾你容易攞住,非常穩定舒適。你更可以靈活咁改變穩定器嘅拍攝方向同傾斜角度,並且唔需要連接線,就可以透過藍牙無線傳輸輕鬆使用到遙控器按鈕,十分方便。如果雙手唔想攞住穩定器拍攝,你只要展開手柄嘅腳架,穩定器就會變為穩固嘅三腳架。機身設計防塵同防潮,拍煮食片、旅行或生活記錄Vlog嘅YouTuber都好適合!呢款Sony GP-VPT2BT手持穩定器價錢係$1090HKD。

b) Joby Smart Stabilizer
Joby Smart Stabilizer嘅延伸長度高達18cm,配上三軸穩定系統、動態追蹤功能,可以俾你喺劇烈震動中保持拍攝穩定,好適合拍運動主題嘅YouTuber。呢款手持穩定器可以連續使用10小時,隨機更附送配有叉電位嘅彈簧式手機夾,方便攜帶之餘,更唔怕耗盡電量!你仲可以通過藍牙將Joby穩定器同專屬穩定器嘅電話APP連接,用到動態延時拍攝、180°同360°全景拍攝、長時間曝光攝影等功能,係YouTuber創作嘅好幫手!價錢大概係$275HKD左右(價錢只供參考)。

c) 【SNOPPA 隨拍】ATOM 2 自動折疊三軸穩定器
SNOPPA推出嘅第二代手持穩定器,首創自動開合設計,簡易折疊,單手開合都冇問題!配上三軸設計,拍攝時更穩定暢順。穩定器自帶三腳架,外型輕巧,非常方便你帶出街隨時set機影靚相。價錢大概係$599HKD-$800HKD。

YouTube拍攝器材2:手機外接鏡頭

如果你想將手機影相效果同專業單眼相機更加接近,就需要試下手機外接鏡頭,例如廣角鏡頭、望遠鏡頭、微距鏡頭、魚眼鏡頭等。因應返你想拍攝嘅情景去挑選返適合嘅外接鏡頭啦!

a) Kenko REAL PRO CINEMATIC 4K HD WIDE 0.6X 手機廣角鏡頭
如果你想同三五知己影多人團體相,就適合用廣角鏡頭。呢款鏡頭可以容納更多嘅景象,拍攝範圍十分廣闊。Kenko手機廣角鏡整體畫質比其他品牌嘅鏡頭更加清晰同銳利,更加有旋轉螺絲嘅方式調整鏡頭嘅鬆緊,有更好嘅貼服度同支撐力。價錢大概係$337HKD-$365HKD。

b) ARORY智慧手機12倍便攜式長焦遠攝鏡頭
如果你想試下用拍出藝術同有趣嘅相片或者影片,就可以試下用魚眼鏡頭,以新嘅角度睇世界。ARORY嘅長焦遠攝鏡頭令畫面入面嘅景物遠近感相當鮮明,而畫面中間嘅變形幅度亦比較細。如果你想影人,呢款鏡頭唔會過度放大個鼻同塊面等等嘅突出部位,變形嘅同時都能維持面部比例。成功令到畫面變得有趣之餘,拍攝對象都唔會因此變得過於奇怪。價錢大概係$238HKD-$292HKD(價錢只供參考)。

c) PREMIUM GEAR Neingrenze 4000WM 兩用鏡頭
如果你想拍進行近距離一啲難以用肉眼觀察嘅細節,例如植物、小花、昆蟲等,就需要用到手機外接微距鏡頭。PREMIUM GEAR呢款鏡頭呈現嘅景深效果恰到好處,可以清晰咁刻畫到拍攝主題,例如植物嘅細節,又可以保留到周邊環境嘅影像。整體畫面係高彩度同高對比度,畫質非常專業。價錢大概係$238HKD-$370HKD(價錢只供參考)。

YouTube拍攝器材3:手機專用三腳架

用三腳架可以幫助你唔需要雙手控制手機,就可以輕鬆影相拍片!三腳架亦有好多款,適合唔同場合使用。

a) AtoB愛拍架Y II 收納腳架
如果你想搵短小輕薄嘅腳架,想輕鬆冇負擔咁帶出街,可以試下收納腳架。AtoB愛拍架Y II喺收納嘅狀態下淨係得短短嘅10cm,支腳角度更可以攤開到120度,即使細件都唔會影響拍攝範圍。呢款收納腳架腳墊位由橡膠大面積包覆,提供足夠嘅支撐力。但如果想用手機拍攝嘅話,就要另外再買手機專用嘅雲台啦。AtoB愛拍架Y II價錢大概係$65HKD-$130HKD(價錢只供參考)。

b) 美孚藍牙自拍迷你腳架組
想要藍牙連線即刻影相拍片,就一定要入手藍牙腳架。呢款藍牙腳架可以做迷你腳架,亦可以做自拍棒。將手桿部分展開就可以成為多段伸縮、調節高度嘅三角架,高度最高去到91cm。呢款腳架有經過特殊嘅防滑設計,站立時更加穩固。價錢大概係$102HKD-$154HKD(價錢只供參考)。

c) GIZOMOS軟管章魚腳架
章魚腳架最大特點就係支腳可以任意彎折,調整成為你想要嘅形態,適合放喺唔平坦嘅地方,或者可以纏繞喺扶手或者樹枝上,進行唔同角度嘅拍攝。GIZOMOS軟管腳架迷你輕巧,容易攜帶,而耐重更達到3kg,能夠承受一般嘅單眼相機,適合喺任何場所使用。價錢大概係$125HKD-$131HKD(價錢只供參考)。

YouTube拍攝器材4:收音咪

拍片要收音,用相機或手機內建嘅咪未必做到最好嘅收音效果,所以就需要外加收音咪幫手。

a) 相機上面裝收音咪:Canon DM-E100 立體聲麥克
如果想拍Vlog就好適合喺相機上面裝收音咪。因為呢款收音咪嘅指向性都比較窄,淨係可以好集中錄到正前方嘅聲音,而側邊嘅聲音就會收得較弱,雜音問題就變得相對較少。但如果相機距離收音對象太遠,或者收音對象把聲太細,就會影響收音效果。價錢範圍係$880HKD-$980HKD。

b) 有線嘅領夾式收音咪 + 錄音器:Rode Lavalier GO 領夾收音咪
如果你唔介意收音咪入鏡,又想支收音咪輕巧,方便帶住,就可以試下用Rode Lavalier GO 領夾收音咪。你可以隨時移動,因為所有收音器材都喺你身上,唔需要擔心收音對象同相機嘅距離。即使係背對住收音對象都可以錄得清楚。Rode Lavalier GO 領夾收音咪價錢係$540HKD-$670HKD。

c) 無線麥克風:Sony ECM-W2BT
Sony呢款無線嘅收音咪可以直接將收音訊號連接去相機,並同收音咪進行藍牙配對,確保低延遲而且唔會影響咗音質。用家亦可以將收音咪扣係衣物上,加上仲配備防風罩,即使要去到戶外拍攝都唔怕錄埋風聲及呼吸聲,所以呢款收音咪可以保持音質清晰兼具方便輕巧嘅優點。Sony ECM-W2BT價錢係$1690HKD。

做YouTuber: YouTube拍攝時所需技巧

做YouTuber唔一定要用好專業嘅相機先做到,只要你有一步手機,都可以拍攝出專業嘅影片。

用手機拍片都可以做到專業剪輯技巧。同時可以參考以下手機運鏡手法:

  1. 推鏡頭:手機逐啲逐啲靠近拍攝對象,營造同提升畫面緊張感
  2. 拉鏡頭:手機距離拍攝對象越嚟越遠,令畫面緊張感消除,通常放喺片段嘅最後一個鏡頭
  3. 環繞:手機圍住拍攝對象轉動,增加拍攝對象嘅氣勢。配合手機長焦鏡頭,營造拍攝對象背景迅速移動嘅效果,製造時空錯亂嘅感覺。
  4. 慢鏡:將畫面放慢除咗會令畫面更有感覺之外,仲可以減少畫面震動

當你嘅YouTube片再加上調色、加特效、加配樂、上字幕等效果,就可以製作出超吸睛嘅影片!

如果想喺短時間之內快速學識手機短片錄影同埋後製剪輯,剪出一手好片,呢個手機拍片課程就幫到你!輕鬆做到自己影片自己拍!

唔止拍片,如果你學識埋用手機攝影,就可以將拍攝出嚟嘅相片用YouTube影片封面(thumbnail),吸引觀眾撳入你嘅片!

要拍攝出令人讚歎嘅thumbnail,或者人像相、風景相,都要學識手機攝影嘅實用技巧,包括手機設定、構圖、處理光暗、對比等。點止學嘢手機攝影課程就有專業攝影師教你用手機拍出高質靚相,喺唔同情況下都可以用手機拍出得心應手嘅相片!

做YouTuber: YouTube影片後期製作所需工具

影片後期製作軟件 1:Adobe Premiere Pro

我要做YouTuber_PP_LOGO

Adobe Premiere Pro係一個操作上以時間軸剪輯為基礎嘅剪輯工具,價錢為每月$158HKD起。軟件有音效編輯、色彩修正等唔同功能,你可以設計出唔同轉場、綠幕編輯等視覺效果,深受業內專業剪片人士歡迎!

如果你想製作出一啲手機剪片做唔到嘅效果,例如聲效編輯、彈幕效果等,就可以嚟點止學嘢嘅「Adobe Premiere Pro速成課程」,用2堂6小時教識剪片初學者完成剪輯影片,並自行製作唔同類型嘅商業影片。

影片後期製作軟件 2:Final Cut Pro

我要做YouTuber__Final Cut Pro

Final Cut Pro係Apple旗下嘅剪片APP,價錢為$2288HKD。Final Cut Pro同樣都係以時間線為影片剪輯基礎,但只能喺Apple電腦上使用。Final Cut Pro有3個預設工作區去做多機編輯、調色等功能,相比起Adobe Premiere Pro嘅7個工作區就較少,但功能都一樣多,可以幫助你剪出高水準嘅影片!

如果想學習並剪出香港唔同類型嘅商業影片,就要嚟上Final Cut Pro剪片課程,課堂會教你影片嘅編排故事技巧、挑選配樂、音效、過場、調色等技巧。幫助你快速剪出一條切合你需求嘅影片!

延伸閱讀:【Premiere Pro 教學簡介】Premiere Pro vs After Effects vs Final Cut Pro 到底有咩分別?

影片後期製作手機APP 1:InShot

我要做YouTuber_InShot

InShot係一個免費嘅影片剪輯App。你可以喺影片入面加入文字、音樂、旋轉、動態貼圖、拼圖,仲有幾十款濾鏡任你選擇。更可以調整影片飽和度、色溫、亮度等。InShot更有多種為社交媒體設計嘅影像尺寸大小,以及背景模糊邊框,方便你將影片放上YouTube同Instagram!

影片後期製作手機APP 2:威力導演

我要做YouTuber_威力導演

威力導演係一款同時支援Windows 同MacOS系統嘅剪片軟件,亦都可以喺蘋果或Android 手機上使用,威力導演基礎版為免費,進階版收費每年$550HKD起。威力導演提供咗多種特效功能,包括多軌剪輯、濾鏡、轉場、綠幕、增加背景音樂。威力導演更加同ShutterStock素材庫合作,只要訂閱威力導演嘅365版本,就可以無限下載ShutterStock素材,加到你嘅影片入面!

線上後期製作網站:Canva

我要做YouTuber_Canva_Video

Canva入面嘅免費線上剪輯功能,對剪片新手非常友好。因為Canva本身就已經有豐富嘅影片同圖片素材、音樂曲目可以使用,亦都有上千個免費影片模板。無需使用複雜嘅影片工具都可以方便而且快速咁製作到影片。

YouTube影片上載後,要做啲咩?

當你將影片upload上YouTube後,點樣可以令多啲人睇到你嘅影片?呢個時候就需要使用YouTube SEO工具,幫你提高影片曝光率。

YouTube SEO工具推薦1:Tubebuddy

我要做YouTuber_TubeBuddy

Tubebuddy係專門為Youtuber而設嘅頻道管理工具。你可以利用工具嘅關鍵字搜索器搜尋到用嚟做標題嘅實用字眼。Tubebuddy更針對咗Youtube嘅演算法,研究出一啲影片優化技巧,幫助你喺搜尋結果入面獲得更高排名,從而提升流量。Tubebuddy有提供免費版本,但如果要使用完整嘅SEO頻道分析工具,就需要俾每月$2.4USD或以上嘅費用。

YouTube SEO工具推薦2:Autocomplete

我要做YouTuber_Autocomplete

Autocomplete係一款免費幫你自動填充關鍵字嘅工具。當你喺Autocomplete輸入你想要嘅關鍵字,網站就會自動產生全球或者指定地區嘅喺YouTube上流行關鍵字研究,幫助你制定出符合市場趨勢嘅YouTube標題。

YouTube SEO工具推薦3:天下無狗

我要做YouTuber_天下無狗

天下無狗係一款由台灣研發嘅收費關鍵字研究工具,月費大概喺$363HKD內(價錢只供參考,以當刻匯率為準)。當你喺網站中輸入想要嘅關鍵字,天下無狗就會根據Google同Yahoo搜尋引擎,為你嘅關鍵字提供拓展資料同相關數據,幫助你提升YouTube Channel嘅競爭力!

SEO係一種數碼行銷策略,如果想全面學識數碼行銷,幫助自己嘅Youtube Channel更上一層樓,數碼內容行銷課程就非常適合你!課程會由零開始教授你點樣拍攝、剪接、寫文案技巧,更會針對開箱片、美容化妝片、食品推介影片等詳細教授點樣製作,想成為Youtuber嘅你就唔好錯過啦!

點樣可以做到YouTuber?

以上介紹咗多種成為YouTuber嘅所需工具,好多工具同設備都係好容易上手,即使係拍片、剪片新手都無有怕!而網上有好多免費資源俾想做YouTuber嘅你使用,如果想了解多啲,可以睇下【剪片入門】YouTuber 必備免費資源推介,一定搵到你想要嘅資源,輕鬆成為YouTuber!

發佈留言

發佈留言必須填寫的電子郵件地址不會公開。 必填欄位標示為 *

想查詢課程?WhatsApp即時回覆